منتديات جبل الشموخ

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
منتديات جبل الشموخ

منتديات ابناء الجبل الغربي ابناء جبل الشموخ والعزة والاباء مرحبا بكل الاخوة من جميع المدن والقرىمن جميع اصقاع العالم فوق ربوع الجبل الاشم في منتدياتنا الثقافيه الادبيه الاسلاميه العلميه الشامله

نرحب بكم في منتدياتكم منتديات الجبل الغربي ونستقبلكم فوق قمة هذا الجبل بكل الود والمحبة
كل ما ينشر داخل المنتدي يعبر عن راي صاحبه ولا يعبر عن راي المنتدي والمنتدي غير مسؤل قانونا عن ما ينشر فيه لذا وجب التنويه

    خوذ المرآ وانشد على ماضيها

    شاطر
    avatar
    اسد العربان
    الاعضاء
    الاعضاء

    عدد المساهمات : 55
    نقاط : 1046
    تاريخ التسجيل : 14/12/2009

    عادي خوذ المرآ وانشد على ماضيها

    مُساهمة من طرف اسد العربان في الجمعة ديسمبر 18, 2009 11:11 pm

    خوذ المرآ وانشد على ماضيها


    خوذ المرآ وانشد على ماضيها
    أختار لين تلقى الباهية وازيها
    ما تاخذ الشكــــماطة
    ولا تاخــذ اللي فالخبـر لقاطه
    ولاتاخذ اللي طايشه فرماطه
    ولاتاخـذ اللي فكرها عامـيها
    ولاتاخذ اللي فالعرب خلاطه
    خوذ بنت نالت من رضى والديها

    ماتاخذ الدرويشـــــه
    ولاتاخـذ اللي راكبتها طــيشه
    دير سوق وتبسل عليك العيشه
    قليلت حســب شيطانها مالـيها
    تبدى العيلة دايرتها فشـيشه
    تحــكم وما يحكمـش والي فيها

    ماتاخذ المـــــرخية
    ولا تاخذ اللي مقبــحه مدعيه
    ياصاحبي كانك أتشاور فيا
    خوذ المــرآ تفهم كلامك ليها
    أختار زوجتك وأنشد على البيتيه
    أختار بنت سمحه عاقلة ورزينه
    تصبر وماتسمــعش منها نينه
    ولا يوم منهو قال عـيب عليها
    دلال كسب مالك والملامح زينه
    بيت عز عز الضيف وين يجيها

    ما تاخـــــذ الوحــايه
    وما تاخـذ اللي بايـره قـوقايه
    ولا تاخذ اللي ناقصتها ربايه
    تعطي سرارك كان وقضت بيها
    نوصيك ماتخلط على الدعايه
    دعاء من دعاء راهو يعود عليها

    ما تاخــــذ القـــوباعه
    وماتاخـذ اللي فالعرب قطاعه
    خوذ بنت ديما لكلمتك منطاعه
    زيـن وفلاحه خالـقي عاطيها
    قبلك اتنوض الفجر زي الساعة
    صبح فرح تصبح صباحك فيها
    ربيَت عز ماهي في ناسها وجاعه
    طـيبة خيم الغير ما يطريها

    ماتاخـــذ المرعوشــــه
    ولا تاخذ اللي طايشه مطفوشه
    كل يوم تصبح عماك فدوشـه
    ظهر أسرارك للعرب تعطيها
    خوذ بنت خرخوطه نظيفه طوشه
    زين وفلاحـه فعل من عاليها

    خوذ بنت ليك كســـــوبه
    اختار لين تلقى العاقلة المدوبه
    خوذ بنت زينه فجيلها محسوبه
    تلبي الطلب من حين تشبح فيها
    دور على الخيســــوعه
    خوذ المليحه الواكدة المردوعة
    انشد على منسل على دعدوعه
    اللي تطلبه في الوصف تلقى فيها
    نوصيك ماتخلط على القيبوعه
    تسبــب مشاكلها وتحصل فيها

    خوذ بنت زهــــوة بالك
    وانشـــد عليها لين يعطوهالك
    اختار لين تلقى جيبها بحلالك
    تحصلتها ترتـاح تســعد بيها
    دلال كسب ماتواطيك وسط عيالك
    تشيل العديلة معاك تكمش جيها

    ماتاخــــذ المطـــيورة
    اللي ناويه كل يوم تعمل دورة
    بين لحياش أتدور فالحاكورة
    الجــيران يبدو شاهدين عليها
    دور علي بنت العرب مشهورة
    تشاكيك باللي تسير وتشاكيها
    avatar
    amer1960
    الادارة

    الثور عدد المساهمات : 24
    نقاط : 51
    تاريخ التسجيل : 08/02/2010
    العمر : 57
    المزاج المزاج : عــــــــادي

    عادي رد: خوذ المرآ وانشد على ماضيها

    مُساهمة من طرف amer1960 في السبت فبراير 13, 2010 2:30 am

    والله انك صدقت الله يرحم والديك

      الوقت/التاريخ الآن هو الأربعاء أغسطس 23, 2017 5:38 pm